एमविविएस प्रवेश परीक्षा पास गरेका विद्यार्थीहरुलाई अनेरास्ववियू धादिङद्धारा सम्मान

३ असोज,धादिङ – चिकित्सा शिक्षा आयोगद्धारा लिइएको एमविविएस प्रवेश परीक्षा पास गरेका विद्यार्थीहरुलाई अनेरास्ववियू धादिङले सम्मान गरेको छ ।

शनिबार धादिङबेशीमा नेकपा एकीकृत समाजवादीका निकट विद्यार्थी संगठन अनेरास्ववियूले एक कार्यक्रमको आयोजना गरी चिकित्सा शिक्षा आयोगद्धारा लिइएको एमविविएस प्रवेश परीक्षा पास हुनसफल विद्यार्थीहरुलाई सम्मान गरिएको हो । जिल्लाका विभिन्न विद्यालयमा अध्ययनपछि एमविविएस प्रवेश परीक्षाबाट पूर्ण छात्रबृत्ति खुल्लातर्फबाट नाम निकाल्न सफल ५ जना र आंशिकतर्फबाट नाम निकाल्न सफल ४ जना सम्मान गरिएको अनेरास्ववियू धादिङका अध्यक्ष मिश्र शाक्यले जानकारी दिए ।

अनेरास्ववियू जिल्ला कमिटी धादिङको प्रथम विस्तारित वैठकको अवसरमा एकीकृत समाजवादीका केन्द्रीय सदस्य एवंम् पूर्व शिक्षा मन्त्री डा. गंगालाल तुलाधरले विद्यार्थीलाई सम्मानपत्र प्रदान गरेका थिए ।