माधव नेपालले गरे नेकपा एकीकृत समाजवादीको पार्टी कार्यालय उद्घाटन

१ असोज,काठमाण्डौ – नेकपा एकीकृत समाजवादीले पार्टीको केन्द्रीय कार्यालयको उद्घाटन गरेको छ ।

आज शुक्रवार, पार्टी अध्यक्ष माधवकुमार नेपालले एक कार्यक्रमबीच काठमाण्डौको बानेश्वरमा नयाँ पार्टी कार्यालयको उद्घाटन गरेका हुन् । अध्यक्ष नेपालले रिबन काट्दै नयाँ भवनमा प्रवेश गरेका थिए । पार्टी कार्यालयको उध्घाटन कार्यक्रममा संचारकर्मीसंगको प्रतिक्रियामा प्रचार विभाग प्रमुख जगन्नाथ खतिवडाले पार्टीले छिट्टै मुखपत्र, बुलेटिन र सामाजिक सञ्जाल पनि प्रकाशन संचालन गर्ने बताए ।

एकीकृत समाजवादीले यसअघि मीनभवनस्थित एक घरबाट कार्यालय चलाइरहेको थियो । नेकपा एमाले विभाजनपछि गठित एकीकृत समाजवादीले निर्वाचन आयोगबाट गत भदौ ९ गते राजनीति दलको मान्यता पाएका थियो ।