दिनदहाडै पेस्तोल बोकेर हिड्ने एक युवा सशस्त्र प्रहरीद्धारा पक्राउ

३० भदौ,काठमाण्डौ – दिनदहाडै पेस्तोल बोकेर हिड्ने एक युवालाई सशस्त्र प्रहरीले पक्राउ गरेको छ ।

आज बुधबार दिंउसो काठमाण्डौको १६ सितापाईलास्थित छाउनी मार्गमा रहेको एक रेष्टुरेण्टमा पेस्तोलसहित हिडिरहेका तारकेश्वर नगरपालिका वडा नम्वर ३ जितपुरफेदी बस्ने सोनाम तामाङलाई पक्राउ गरिएको सशस्त्र प्रहरीका प्रवक्ता डीआईजी राजु अर्यालले बताए ।

प्रवक्ता डीआईजी अर्यालका अनुसार पक्राउ परेका तामाङको साथवाट अटोमेटिक पेस्तोल र त्यसमा लाग्ने पाँच राउण्ड गोली समेत बरामद गरिएको् छ । पक्राउ परेका तामाङलाई अनुसन्धानका लागि सशस्त्र प्रहरीले महानगरीय प्रहरी बृत्त स्वयम्भूमा बुझाएको छ ।