धादिङ नलाङका १८ बर्षिय युवा ६ दिनदेखी बेपत्ता

२६ भदौ,धादिङ – धादिङको सिध्दलेक गाँउपालिका स्थित् नलाङका एक युवा ६ दिनदेखी बेपत्ता भएका छन् ।

सिध्दलेक गाँउपालिका वडा नं. १ आरुगैरा घर भएका १८ बर्षिय कृष्णमान श्रेष्ठ ६ दिनदेखी बेपत्ता भएका हुन् । स्थानिय किसान नर बहादुर श्रेष्ठको १८ बर्षिय छोरा कृष्णमान भदौ २० गते स्कुल ड्रेसमै सदरमुकाम धादिङबेशी गएको र सोहीदिनदेखी घर नफर्की सम्पर्कबिहिन भएपछी उनको परिवार पिडामा परेको स्थानिय एमाले नेता चेतनाथ सिलवालले बताए ।

गहुँगोरो बर्णको अनुहार भयका र अन्दाजी ६ फिट उचाइ भयको कक्षा ८ मा सुन्दरिपानि बिद्यालयमा अध्ययनरत् कृष्णमान हालसम्म सम्पर्कमा नआएको र उनी आफन्तहरुकोमा समेत नरहेको खुल्न आएको नेता चेतनाथ सिलवालले बताए । उनको परिवारले खोजी गर्न सहयोग गर्न आग्रह गरेपछी नेता सिलवालले सामाजिक संजाल फेसबुकमा समेत बेपत्ता कृष्णमानको तस्विरसहित आग्रह गरेका छन् ।

त्यस्तै उनले बेपत्ता कृष्णमानलाई देख्नुहुनेले सम्पर्क गर्न भन्दै सम्पर्क नं. (चेतनाथ सिलवाल 9851191029, नर बहादुर श्रेष्ठ ,9810023831 )समेत सार्वजनिक गरी अनुरोध गरेका छन् ।

कोहि कसैले बेपत्ता कृष्णमान श्रेष्ठलाई देख्नुभएमा एमाले नेता चेतनाथ सिल्वालल, कृष्णमान श्रेष्ठका आफन्त, सिद्धलेक गाँउपालिका, शुभयुग मिडियाको सम्पर्क नं.९८५१२२०८२० तथा प्रहरीमा सम्पर्क गरिदिनुहुन शुभयुग डट कमसमेत आग्रह गर्दछ ।