एमालेको अवरोधकै बीच प्रतिनिधिसभाबाट बजेटसम्बन्धी तीन विधेयक पारित

२५ भदौ,काठमाण्डौ – प्रमुख प्रतिपक्षी दल नेकपा एमालेको अवरोधकै बीच प्रतिनिधिसभा बैठकमा बजेटसम्बन्धी तीन विधेयकमाथी छलफल सुरु भएको छ ।

यसमध्ये आर्थिक अध्यादेश, २०७८ बहुमतले पारित भएको सभामुख अग्निप्रसाद सापकोटाले घोषणा गरेका छन् । प्रतिपक्षी नेकपा ९एमाले० का सांसदहरूले गरिरहेको अवरोधबीच सभामुख सापकोटाले प्रेम सुवाललाई आर्थिक अध्यादेश, २०७८ लाई अस्वीकार गरियोस् भन्ने प्रस्ताव राख्न दिएका थिए । सुवालपछि अर्थमन्त्री जनार्दन शर्माले आर्थिक अध्यादेश, २०७८ लाई स्वीकार गरियोस् भन्ने प्रस्ताव पेश गरेका हुन् ।

अघिल्लो सरकारले ल्याएको बजेट अध्यादेश विस्थापित गर्न वर्तमान सरकारले आर्थिक प्रतिस्थापन विधेयक ल्याउन लागेको हो । आज संसदमा आर्थिक अध्यादेश, राष्ट्र ऋण उठाउने अध्यादेश र विनियोजन अध्यादेश स्वीकृत गर्न प्रस्ताव पेश हुँदैछ ।