रोल्पामा पहिरोले घर पुरिँदा एकैघरका दुई जनाको मृत्यु

२१ भदौ,रोल्पा – रोल्पामा पहिरोले घर पुरिँदा एकैघरका दुई जनाको मृत्यु भएको छ ।

गएराति रोल्पा नगरपालिका  – १० थवाङमा गएको पहिरोले पुरिएर ७० वर्षीया गौरी थापा र उनका ५ वर्षीय नातिको ज्यान गएको हो । राति करिब २ बजे करिब दुई सय मिटर माथिबाट आएको पहिरोले घर पुरिदा हजुरआमा र नातिको ज्यान गएको प्रहरीले जनाएको छ ।

यस्तै पहिरोले पुरिएर पूर्णबहादुर थापासहित दुई जना सामान्य घाइते भएको जनाइएको छ । यस्तै रोल्पाकै सुलिन स्मृति गाउँपालिका – २ सुनिचौरमा मर्मतका लागि राखेको रोल्पा सनलाइट बोडिङ्ग स्कुलको बस फगाम खोलाले बगाएको छ ।