काठमाण्डौं उपत्यकामा बाढीको बितण्डा : ४ सय घर डुवानमा

२१ भदौ,काठमाण्डौ – गएरातीदेखीको बर्षातका कारण काठमाण्डौ उपत्यकामा बाढीले बितण्डा मच्चाएको छ ।

गएरातिदेखि परेको वर्षाका कारण खोला किनारका बस्ती डुबानमा परेका हुन् । बाढीका कारण नदीकिनाराको बस्तीको ३ सय ८२ घर डुबानमा परेका छन् । त्यस्तै १ सय ३८ जनालाई प्रहरीले उद्धार गरेको छ । गएरातिदेखि परेको वर्षाका कारण ती बस्तीका बासिन्दा जोखिममा परेपछि प्रहरीले उद्धार गरेर सुरक्षित स्थानमा लगेर राखेको बताएको छ ।

काठमाडौं प्रहरी प्रमुख एसएसपी अशोक सिंहका अनुसार बल्खुको तरकारी बजार, कुलेश्वरको हाउजिङ क्षेत्र, कोटेश्वरको नरेफाँट क्षेत्र, बालाजुको नेपालटारको तल्लो क्षेत्र, शंखमुल पार्क, कालिमाटीको तरकारी बजार क्षेत्र डुबानमा परेका छन् ।

एसएसपी सिंहका अनुसार मानवीय क्षति भने भएको छैन ।