कोरोना संक्रमणबाट धादिङका फुटबल खेलाडी गुरुङको निधन

७ भदौ,धादिङ – कोरोना संक्रमणबाट धादिङका फुटबल खेलाडी राजु गुरुङको मृत्यु भएको छ ।

निमोनियाका बिरामी रहेको उपचारकै क्रममा कोरोना संक्रमण पुष्टि भएका गुरुङको हिजो आईतबार मृत्यु भएको हो । धादिङ बेनीघाट रोराङ ३ मलेखु निवासी गुरुङ धादिङ जिल्लाका पूर्व फुटबल खेलाडी हुन् ।

धादिङको नाम कमाएको एन्फा लिगको सार्वाधिक विजेता भद्रकाली युवा समाजको ०६१/६२ का १ नम्बरका खेलाडी रहेका गुरुङको निधन भएको एन्फा धादिङका महा सचिव रामहरी थापाले जानकारी दिए ।

खेल जिवन सँगै गुरुङ ०६९ मा माओवादी पार्टीमा समेत आबद्ध भएका थिए ।