सुनको मूल्य तोलामा ८८ हजार ८ सय रुपैयाँ

२७ साउन,काठमाण्डौ – नेपाली बजारमा आज पनि सुनको मूल्य तोलामा चार सय रुपैयाँले घटेको छ ।

केही दिनदेखि निरन्तर आरालो लागेको सुनको मूल्य बुधबार उक्त दरले घटेर प्रतितोला ८८ हजार ८ सय रुपैयाँमा आइपुगेको हो ।

यस्तै तेजावी सुनको मूल्य पनि घटेर ८८ हजार ३ सय ५० रुपैयाँ कायम भएको नेपाल सुनचाँदी व्यवसायी महासंघले जनाएको छ । तेजावी सुन मंगलबार ८८ हजार ७ सय ५० रुपैयाँमा चाँदीको कारोबार भएको थियो ।

त्यस्तै आज बधबार चाँदीको मूल्यपनि १५ रुपैयाँले घटेर प्रतितोला एक हजार १ सय ९० रुपैयाँमा कारोबार भइरहेको छ ।