बालाजु औद्योगिक क्षेत्रमा नेबिको बिस्कुट कारखानाको भीषण आगलागी अझै नियन्त्रण बाहिर

कुष्मा रेग्मी

२३ साउन,काठमाण्डौ – काठमाण्डौको बालाजु औद्योगिक क्षेत्रमा रहेको नेबिको बिस्कुटको कारखानामा भीषण आगलागी अझै नियन्त्रण बाहिर रहेको छ ।

आज शनिबार बिहान २ बजेदेखि सुरु भएको नेबिको बिस्कुट कारखानाको आगलागी नियन्त्रण बाहिर रहेको प्रहरीले जानकारी दिएको छ । बालाजु प्रहरीका अनुसार अहिले ८ दमकल तथा कम्तीमा २० वटा पानी ट्यांकर प्रयोग गरि आगो नियन्त्रणमा लिने प्रयास भइरहेको छ । आर्मी, सशस्त्र प्रहरी, प्रहरीसहितले आगो निभाउने प्रयास गरिरहेका छन् ।

आगलागीको कारण र क्षतिको विवरण भने थाहा नभएको प्रहरीले जनाएको छ ।