मुक्तिनाथ सम्बृद्धि बचत खाता संचालनमा

१२ साउन,काठमाण्डौ – मुक्तिनाथ विकास बैंकले ग्राहकको सर्वोपरी हितलाई ध्यानमा राख्दै निक्षेपकर्तालाई लाभदायी र बचत खाता मध्ये सर्वाधिक ब्याजदर प्रदान गर्ने तथा मासिक ब्याज आर्जन हुने ‘मुक्तिनाथ सम्बृद्धि बचत खाता’ सञ्चालनमा ल्याएको छ ।

ग्राहकले मात्र १ सय रुपैयाको न्यूनतम मौजदातमै बैंकको सम्बृद्धि बचत खाता खोल्न सक्नेछन । यस खातामा बैंकले ग्राहकहलाई वार्षिक सर्वाधिक ब्याजदर ५ं दशलमव २५ प्रतिशतको दरले मासिक ब्याज भुक्तानी प्रदान गर्नेछ । साथै पहिलो वर्षको लागि निशूल्क मोबाईल बैंकिग तथा निशूल्क इन्टरनेट बैंकिग सेवा समेत प्रदान गर्ने हुँदा यसबाट ग्राहकले ठूलो लाभ लिन सक्ने र बंैकको व्यवसाय बृद्धिमा सहयोग पुग्ने विश्वास बैकले लिएको छ । यस खाताबाट मासिक बचत गर्ने र न्यूनतम लगानीमा उच्चतम प्रतिफल खोज्ने ग्राहकवर्गहरुलाई अत्यन्त फाइदा पुग्ने विश्वास बैंकले लिएको छ ।

साथै, बैंकले डिजिटल कारोबारलार्ई प्रोत्साहन गर्न बैंकको एटिएम कार्ड प्रयोग गरी मुलुकभर रहेका भिसा नेटवर्कमा आवद्ध अन्य जुन सुकै बैंकको एटिएम मेशिनबाट निशुल्क रकम झिक्न सकिने व्यवस्था गरेको छ । त्यसै गरी मोबाईल बैंकिङ्ग, क्यूआर कोड, अनलाईन कर्जा आवेदन, अनलाईन खाता खोल्ने, ईन्टरनेट बैंकिग खाता मै रेमिट्यान्स जम्मा, मिस्डकल बैंकिग जस्ता सेवा पनि रहेको बैकले जनाएको छ ।