केपी ओलीको सुझाव पछी भिम रावलले फिर्ता लिए राजीनामा

८ साउन,काठमाण्डौ – नेकपा एमालेका उपाध्यक्ष भिम रावलले प्रतिनिधि सभा सदस्यबाट दिएको राजीनामा फिर्ता लिएका छन्।

गत साउन ३ गते प्रधानमन्त्रीमा नेपाली कांग्रेसका सभापति शेरबहादुर देउवालाई विश्वासको मत दिएको दिन सांसद रावलले राजीनामा दिएका थिए । सांसद रावलले राजिनामा दिएपछी बसेको नेकपा एमाले संसदिय दल र पार्टीको बैठकमा अध्यक्ष केपी शर्मा ओलीले राजीनामा फिर्ता गर्नका लागि उनलाई सुझाव दिएका थिए।

उनी एमाले एकता कार्यदलमा नेता माधवकुमार नेपालका तर्फबाट संयोजक हुन्।