एमालेको केन्द्रीय कमिटी बैठक आज पनि

५ साउन,काठमाण्डौ – नेकपा एमालेको केन्द्रीय कमिटी बैठक आज पनि बस्दैछ ।

हिजो सोमबारदेखी सुरु भएको एमालेको बैठक आज पनि तुलसीलाल प्रतिष्ठान भवन च्यासलमा बस्नेछ । एमाले पार्टी कार्यालय सचिव शेरबहादुर तामाङका अनुसार बैठकमा हिजो जारी बैठककै एजेन्डामा आज पनि छलफल हुनेछ ।

यसअघि हिजो बसेको बैठकले प्रधानमन्त्री शेरबहादुर देउवालाई विश्वासको मत दिने सांसदहरुसँग स्पष्टीकरण सोध्ने निर्णय गरेको थियो । अध्यक्ष केपी शर्मा ओली पक्षका आठ जनासहित २२ जना एमाले सांसदले प्रधानमन्त्री देउवालाई विश्वासको मत दिएका थिए ।