ट्रकले मोटरसाइकललाई ठक्कर दिँदा धादिङमा एक को मृत्यु : दुई जना घाइते

२९ असार,धादिङ – धादिङको थाक्रे गाउँपालिका स्थित महादेवबेसीमा ट्रकले मोटरसाइकललाई ठक्कर दिँदा एक जनाको मृत्यु भएको छ ।

नौबिसेबाट मलेखुतर्फ जाँदै गरेको ना ४ ख ९४४ नम्बरको ट्रकले बा ७३ प २१७६ नम्बरको मोटर साइकललाई ठक्कर दिँदा एकजना बालकको घटनास्थलमै मृत्यु भएको प्रहरीले जनाएको छ । घटनामा दुई जना घाइते भएका छन् ।

ट्रकको चालक र सहचालकलाई नियन्त्रणमा लिई गजुरी पठाएको छ भने घाइते दुई जनालाई उपचारको लागि काठमाडौं पठाईएको र बालकको भने घटनास्थलमै मृत्यु भएको प्रहरीले जनाएको छ । घाइते र मृतक बालकको परिचय खुल्न बाँकी रहेको प्रहरीले जानकारी जनाएको छ ।