प्रभु साहलाई प्रमुख अतिथि बनाएपछी रौतहटको मौलापुरको नगरसभामा झडप : स्थिति तनावग्रस्त

१० असार,रौतहट – रौतहटको मौलापुर नगरपालिकाको नगरसभामा झडप भएको छ ।

बिहीबार, नगरसभामा नेकपा एमालेका नेता प्रभु साहलाई प्रमुख अतिथि बनाएपछी विपक्षी समुहले त्यसको बिरोध गरेका थिए । विपक्षी समुहले नगरसभाको विरोध गर्न थालेपछी सत्तापक्षले प्रतिकार गरेका थिए । सोहि क्रममा दुवैपक्षविच झडप भएको थियो । नगरसभामा झडप भएलगत्तै सभाहल बाहिरपनि सत्तापक्ष र विपक्षी कार्यकर्ताविच ढुगांमुढा भएको थियो ।

दुवै समूहले ढुंगामुढा गर्न थालेपछि प्रहरीले बल प्रयोग गरेको छ । स्थितिलाई नियन्त्रणमा लिन प्रहरीले दुई दर्जन सेल अश्रुग्यास समेत प्रहार गरेको छ । झडपका क्रममा दुई प्रहरीसहित चार जना घाइते भएको प्रहरीले जनाएको छ ।

उता तनावका बीच मौलापुर नगरपालिकाले आफ्नो पाचौं नगरसभा भने सम्पन्न गरेको छ ।