सर्पले डसेर घाईते धादिङकी एक महिलाको अस्पताल लैजाँदै गर्दा बाटैमा मृत्यु

८ असार,धादिङ – धादिङमा सर्पले डसेर एक महिलाको मृत्यु भएको छ ।

सोमबार दिँउसो घर नजिकैको जंगलमा घाँस काट्न गएकी धादिङको नीलकण्ठ नगरपालिका वडा नं ९ स्थित मुरलीभञ्ज्याङकी ६० बर्षिय एमलक्ष्मी श्रेष्ठको सर्पले डसेर मृत्यु भएको जिल्ला प्रहरी कार्यालय धादिङले जनाएको छ ।

जिल्ला प्रहरी कार्यालय धादिङका प्रहरी नायव उपरिक्षक जागेश्वर भण्डारीका अनुसार, मृतक श्रेष्ठ घर नजिकैको जंगलमा घाँस काट्न गएकी थिईन् । घाँस काट्ने क्रममा सर्पले डसेपछी उनी आँफैले सर्पलाई मारेकी थिईन् ।

श्रेष्ठको जिल्ला अस्पतल धादिङमा प्राथमिक उपचार पस्चात् काठमाण्डौ लैजाने क्रममा सोमबार राती मृत्यु भएको उनको परिवारले जनाएको छ ।