हेलम्बुका अध्यक्ष शेर्पाले मागे कोभिड १९ विरुद्धको खोप खरिदका लागि सरकारसंग अनुमती

१४ जेठ,सिन्धुपाल्चोक – सिन्धुपाल्चोकको हेलम्बु गाउँपालिकाका अध्यक्ष निमा ग्याल्जेन शेर्पाले कोभिड – १९ विरुद्धको खोप खरिदका लागि अनुमित दिन संघीय सरकारसँग अनुमति मागेका छन् ।

पालिकाले आफैँ खोप किन्ने निर्णय गर्दै सरकारसँग खरिद अनुमति मागेको हो । कोभिड–१९ को दोस्रो लहरपछि संक्रमित बढेसँगै हेलम्बुवासीको जीवन रक्षा गर्न पालिकाकै स्रोत साधनले खोप किन्न अनुमति मागेको गाउँपालिकाका अध्यक्ष निमा ग्याल्जेन शेर्पाले बताए ।

अध्यक्ष शेर्पाका अनुसार करिब २० हजार जनसंख्या रहेको हेलम्बुमा गाउँपालिकाका १५ हजार नागरिकलाई खोप आवश्यक पर्छ ।

खोप खरिदका लागी अध्यक्ष शेर्पा आाफै स्वास्थ्य मन्त्रालय गएका थिए । स्वास्थ्य मन्त्रालयमा पुगेका शेर्पाले संघीय सरकारले खोपको व्यवस्था गर्न नसके हरेक स्थानीय तहलाई नै तुरुन्त खोप खरिदको अनुमति दिएर प्रकृया अघि बढाउन समेत सुझाव दिएका थिए ।