सीसीएमसीकाे सीईओमा पूर्वरथी बालानन्द शर्मा

११ जेठ,काठमाण्डौ – कोभिड – १९ संकट व्यवस्थापन केन्द्र (सीसीएमसी) पुनर्गठन गरिएको छ ।

सोमबार साँझ सम्पन्न मन्त्रिपरिषद् बैठकले सीसीएमसी पुनर्गठन गरेको हो । प्रधानमन्त्री केपी शर्मा ओलीको नेतृत्वको निर्देशक समितिअन्तर्गत रहने गरी सीसीएमसी पुनर्गठन गरिएको हो ।

जसको प्रमुख कार्यकारी अधिकृत (सीईओ) मा पूर्वरथी बालानन्द शर्मा नियुक्ति गरिएको प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिए । शर्माले नेपाली सेना र माओवादी लडाकु समायोजन गर्न बनेको विशेष समितिको संयोजक भएर पनि काम गरेका थिए। उनी संयुक्त राष्ट्र संघका पूर्वफोर्स कमान्डर पनि हुन् ।