धादिङको बेनिघाट रोराङमा ट्रक दुर्घटना : एक घाईते

६ जेठ,धादिङ – पृथ्वी राजमार्ग अन्तरगत धादिङको बेनिघाट रोराङ गाँउपालिकास्थित् हुग्दीखोलामा ट्रक दुर्घटना भएको छ ।

काठमाडौं तर्फ आँउदै गरेको ना ६ ख ७७०३ नं.को ट्रक र नारायणगढतर्फ जाँदै गरेको लु २ ख ४३५ नं. को ट्रक हुग्दीखोला मोडमा एक आपसमा ठोक्किदा एक जना घाईते भएका छन् ।

स्थानिय पत्रकार विश्वदिप डल्लाकोटीका अनुसार दुर्घटनामा काठमाडौं तर्फ आँउदै गरेको ना ६ ख ७७०३ नं.को ट्रक चालक गाडिमै च्यापिएका हुन् । अहिले घाईते ट्रक चालकको उद्दार कार्य भईरहेको छ ।

त्यस्तै अन्यको अवस्था भने सामान्यनै रहेको समेत पत्रकार डल्लाकोटीले बताए ।