कोरोना संक्रमणबाट एमाले नेता यादवको निधन

६ जेठ,काठमाण्डौ – कोरोना संक्रमणबाट पूर्वसांसद एवम् नेकपा एमालेका नेता योगनारायण यादवको निधन भएको छ ।

धनुषाको सबैला नगरपालिका वडा नं. १ घर भएका यादवको, उपचारको क्रममा गएराति ललितपुरको मेडिसिटी अस्पतालमा निधन भएको पारिवारिक स्रोतले जनाएको छ ।

दुवै मिर्गौला खराब भएपछि उनी मिर्गौला प्रत्यारोपणको तयारीअनुसार अस्पताल भर्ना भएका थिए । यद्धपी उपचारका क्रममा उनीमा कोरोना संक्रमण पुष्टि भएको थियो ।

एमाले नेता विष्णु रिजालले पनि यादवको कोरोना संक्रमणबाट निधन भएको सामाजिक सन्जाल मार्फत जानकारी दिएका छन् ।

नेता यादव २०५६ सालमा सांसद निर्वाचित भएका थिए ।