बारामा धारिलाे हतियार प्रयाेग गरी दुई बालकको हत्या

४ जेठ,पर्सा – कलैया उपमहानगरपालिका – ७ रम्पुरटोलमा दुई बालकको हत्या भएको छ।

हत्या गरिएका दुवै बालक अब्दुल गफर अन्सारीका ९ वर्षीय छोरा उसमान अन्सारी र ७ वर्षीय अमिन अन्सारी हुन्। उनीहरुको शव मंगलबार बिहान टोलमा निर्माणाधीन  मदरसा नजिकै फेला परेको जिल्ला प्रहरी कार्यालय बाराका डीएसपी गौतम मिश्रले बताए।

उनीहरू घरबाट सोमबार साँझ हराएका थिए। दुवै बालकलाई धारिलो हतियार प्रयोग गरिएको प्रहरीको भनाइ छ। अब्दुल गफर वैदेशिक रोजगारीका क्रममा कतारमा छन्। ती बालककी आमा मीना खातुन जितपुरस्थित फुपूको घरमा गएकी थिइन्।

सोमबार साँझ जितपुरबाट फर्किंदा दुवै छोरा घरमा नरहेपछि प्रहरीलाई खबर गरिएकाे थियो। खाेजीका क्रममा मंगलबार बिहान शव भेटिएको डीएसपी मिश्रले बताए। घटनाबारे थप अनुसन्धान भइरहेको बारा प्रहरीले जनाएको छ।