एनआईसी एशियालाई नयाँ म्युचुअल फण्ड सञ्चालन गर्न बोर्डको स्वीकृती

४ जेठ,काठमाण्डौ – एनआईसी एशिया बैंक म्युचुअल फण्ड अन्तर्गत सञ्चालन हुने एनआईसी एशिया सेलेक्ट – ३० (इन्डेक्स फण्ड) निष्कासन गर्न  नेपाल धितोपत्र बोर्डले स्वीकृत प्रदान गरेकाे छ ।

एनआईसी एशिया क्यापिटल लिमिटेड योजना व्यवस्थापक रहेको याे फण्ड सात वर्षकाे अवधिका लागि निष्कासन गर्न लागिएकाे हाे । याे बन्दमुखी योजना हो । प्रति इकाई मूल्य १० रुपैयाँ दरको १० करोड इकाईमध्ये बीज पूँजी वापत न्यूनतम १ करोड ५० लाख इकाई कोष प्रबद्र्धक एनआईसी एशिया बैंक लिमिटेडलाई सुरक्षित राखी बाँकी न्युनतम ८ करोड ५० लाख इकाई सर्वसाधारणलाई बिक्री गरिनेछ ।

यस योजनामा संकलित अधिकाशं रकम धितोपत्रको दोश्रो बजारमा सूचिकृत कम्पनीहरुमा लगानी गरिनेछ ।