मुख्यमन्त्री पोखरेलको नियुक्ति प्रक्रियामा असन्तुष्टि जनाउँदै लुम्बिनीका एमाले सांसद डाँगीले दिए राजीनामा

२२ बैशाख,काठमाण्डौ –  मुख्यमन्त्री शंकर पोखरेलको नियुक्ति प्रक्रियामा असन्तुष्टि जनाउँदै लुम्विनी प्रदेशका एमाले सांसद अमरबहादुर डाँगीले पदबाट राजीनामा दिएका छन् ।

बुधबार, मुख्यमन्त्री पोखरेलको नियुक्ति प्रक्रियामा असन्तुष्टि जनाउँदै सांसद डाँगीले सभामुख पूर्णबहादुर घर्तीलाई आफ्नो राजीनामा पत्र बुझाएका हुन् । डाँगीले राजीनामा दिएको लुम्बिनी प्रदेश सभा सचिवालयका सचिव दुर्लभ कुमार पुन मगरले पुष्टि गरेका छन् । ‘माननीय डाँगीले भर्खरै सभामुखज्यूलाई भेटेर राजीनामा दिनुभएको छ । सभामुखले सचिवालयमा पठाउनुभएको छ’, मगरले भने ।

सांसद डाँगी नेकपा एमालेको तर्फबाट दाङ निर्वाचन क्षेत्र नं. २ (ख) बाट लुम्बिनी प्रदेशसभा सदस्यमा निर्वाचित् भएका थिए ।