ब्राउनसुगरसहित उदयपुरबाट दुई युवा पक्राउ

१४ बैशाख,उदयपुर –  ब्राउनसुगरसहित उदयपुरबाट दुई युवा पक्राउ परेका छन् ।

हिजो सोमबार साँझ त्रियुगा नगरपालिकास्थित गाईघाट बजार  – ३ को मिलनचोकको एक स्थानमा ब्राउनसुगरको कारोबार हुँदैछ भन्ने गोप्य सूचनाका आधारमा छापा मार्दा दुई युवालाई प्रहरीले पक्राउ गरेको हो ।

पक्राउ पर्नेमा त्रिनपा -३ मिलनचोकका ३४ वर्षीय श्यामकुमार चौधरी र सोही स्थान बस्ने अर्का २८ वर्षीय रेवत खाती रहेको जिल्ला प्रहरी कार्यालय उदयपुरले जनाएको छ ।

ब्राउनसुगरसहित पक्राउ गरिएका दुवैलाई जिल्ला प्रहरी कार्यालयको हिरासतमा राखेर अनुसन्धान शुरु गरिएको उदयपुरका प्रहरी प्रमुख भीमप्रसाद दाहालले बताए ।