सर्वोच्चको न्यायाधीशमा प्रस्तावित सुवेदी र चुडालमाथि संसदीय सुनुवाई सुरु

३ बैशाख,काठमाण्डौ – सर्वोच्च अदालतको न्यायाधीश पदमा प्रस्तावित नहकुल सुवेदी र कुमार चुडालमाथि संसदीय सुनुवाई सुरु भएको छ ।

संसदको संसदीय सुनुवाई समितिले न्यायपरिषदद्वारा प्रस्तावित दुवै जनालाई बोलाई सुनुवाइका लागि छलफल सुरु भएको सर्वोच्चले जनाएको छ ।

गत चैत २२ गते बसेको समितिको बैठकले दुवै जनाविरुद्ध परेको उजुरीमाथि छलफल गर्दै आजको लागि सुनुवाइको मिति तोकेको थियो ।

समितिमा प्रस्तावित न्यायाधीश कुमार चुडालविरुद्ध दुई र नहकुल सुवेदीविरुद्ध पाँचवटा उजुरी परेको थियो ।