एनएमबि बैंकद्वारा बिमा दावी भुक्तानी

१७ चैत,काठमाण्डौ – एनएमबि बैंकको थापाथली शाखामा ‘एनएमबि सहारा बचत खाता’ खोली कारोबार गर्दै आएका निर्विकार अमात्यलाई स्वास्थ्य विमा बापत १० लाख रुपैंया हस्तान्तरण गरेको छ ।

बैंकका प्रदेश ३ प्रमुख गणेश पराजुली, एरिया म्यानेजर स्मृति भण्डारी र शाखा प्रमुख लजना तुलाधरले संयुक्त रुपमा आमत्यलाई स्वास्थ्य बिमा वापतको रकमको चेक हस्तान्तरण गरेका हुन् ।

बैंकको उक्त खाता योजनामा शुन्य मौज्दातमै खाता खोल्न सकिने, नेपाल भरी पैसा झिक्दा अतिरिक्त शुल्क नलाग्ने डिलाइट एटिएम, दश लाख रुपैया सम्मको दुर्घटना बिमाको साथै १८ घातक रोगमा स्वास्थ्य उपचार विमा सुविधा प्रदान गर्दै आइरहेको छ । बैंकले शिखर ईन्स्युरेन्स मार्फत उक्त भुक्तानी प्रदान गरेको हो ।

बैंकले सबै क्षेत्र र वर्गसम्म बैंकिग सेवाको पहुच पु¥याउने उद्देश्यले बिभिन्न स्थानमा शाखा, बिस्तारित सेवा तथा शाखा रहित बैंकिग सेवा मार्फत सेवा पु¥याउदै आईरहेको पनि विज्ञप्तिमा उल्लेख छ ।