रेशम चौधरी लगायतलाई रिहाई गर्न थारु कल्याणकारीसँग वार्ता तयारी गर्दै सरकार

१६ चैत्र, काठमाण्डौं – सरकारले रेशम चौधरी लगायतका बन्दीहरुको रिहाईको माग गर्दै आन्दोलन थारु कल्याणकारी सभासँग वार्ता गर्न टोली बनाएको छ ।

मन्त्रिपरिषद्को पछिल्लो बैठकले गृहमन्त्री रामबहादुर थापा बादलको नेतृत्वमा प्रधानमन्त्रीका परराष्ट्र मामिला सल्लाहकार राजन भट्टराई र पूर्व सांसद भगवती चौधरी रहेको वार्ता टोली बनाएको हो ।

केही दिन अघि समितले चौधरीको रिहाइका लागि भन्दै आयोजना गरेको धर्ना कार्यक्रममा गृहमन्त्री थापा पुगेका थिए। थापाले सरकारले चौधरीको रिहाइका लागि पहल गर्ने बताएका थिए । यता, सरकारलाई समर्थनका लागि जसपाले समेत रेशम चौधरीको रिहाइको माग्लाई बटमलाइन बनाएको छ।