ललिता निवास प्रकरण : माधव नेपाल र बाबुराम भट्टराईसहितलाई मुद्दा चलाउन माग गरिएको रिट पहिलो नम्वरमा पेसी

१६ चैत्र,काठमाण्डौं – सर्वोच्च अदालतले बालुवाटारस्थित ललिता निवासको ११३ रोपनी सरकारी जग्गा व्यक्तिका नाममा दर्ता भएको प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराईलगायतलाई भ्रष्टाचार मुद्दा चलाउन माग गरिएको मुद्दा सोमबार पेसीमा राखेको छ।

प्रधानन्यायाधीश चोलेन्द्र शम्शेर जबराले सोमबारका लागि पेशी तोक्दै न्यायाधीश अनिल सिन्हा र हरि फुयाँलको इजलास गठन गरेका हुन्। सो रिटको इजलास पहिलो नम्बरमा छ ।

बालुवाटारको ११३ रोपनी सरकारी जग्गा व्यक्तिको नाममा गरेको प्रकरणमा नेपाल र भट्टराईलाई समेत मुद्दा चलाउनु पर्ने मागसहित वरिष्ठ अधिवक्ता बालकृष्ण न्यौपानेले रिट दायर गरेका थिए।