एक अर्कालाई लड्डु खुवाउँदै प्रचण्ड – माधवले मनाए खुसियाली

११ फागुन,काठमाण्डौं – सर्वोच्च अदालतले संसद पुर्नस्थापना गर्ने निर्णय गरेसंगै नेपाल कम्युनिस्ट पार्टी (नेकपा प्रचण्ड – माधव पक्ष)का अध्यक्षद्वय पुष्पकमल दाहाल प्रचण्ड र माधवकुमार नेपालले एक अर्कालाई लड्डु खुवाउँदै खुसियाली मनाएका छन् ।

प्रतिनिधिसभा विघटनको निर्णय असंवैधानिक रहेको ठहर सर्वोच्च अदालतले गरेको छ । प्रधानमन्त्री केपी ओलीले प्रतिनिधिसभा विघटनको सिफारिस गरेपछि त्यस सम्बन्धमा राष्ट्रपति विद्यादेवी भण्डारीले गरेका सम्पूर्ण निर्णयहरु असंवैधानिक भएको ठहर अदालतले गरेको हो ।

त्यस्तै, १३ दिनभित्र संसद्को बैठक बोलाउन अदालतले आदेश समेत जारी गरेको छ ।