प्रहरी र बन्दकर्ताबीच कोटेश्वरमा झडप

२२ माघ, काठमाडौं – नेपाल कम्युनिष्ट पार्टी (नेकपा प्रचण्ड-माधव पक्ष)का कार्यकर्ता र प्रहरीबीच काठमाडौँको कोटेश्वरमा  झडप भएको छ।

आम हड्ताललाई प्रभावकारी बनाउन सडकका निस्किएका नेकपा कार्यकर्ताले मोटरसाइकल तोडफोड गरेका छन्। मोटरसाइकल तोडफोडपछि अवस्था तनावग्रस्त बनेको हो। प्रचण्ड-माधव समूहले बिहीबार देशव्यापी आमहड्ताल घोषणा गरेको छ।

सरकारले बुधबार विभिन्न संवैधानिक निकायहरुमा नियुक्ति गरेको विरोधमा उक्त समूहले आमहड्ताल आयोजना गरेको हो।