सर्लाहीमा मालपोतका नायब सुब्बा र लेखापढी व्यवसायी घुससहित पक्राउ

पुष २३ ,जनकपुर – सर्लाहीमा मालपोत कार्यालयका नायब सुब्बा र लेखापढी व्यवसायी घुससहित पक्राउ परेका छन् ।बिहिवार  अख्तियार  दुरुपयोग  अनुसन्धान आयोग  बर्दिवासको कार्यालयबाट गएको टोलीले,  सर्लाहीको हरिवन नगरपालिकास्थित मालपोत कार्यालयका नायब सुब्बा बेधनिधि बराल र लेखापढी  व्यवसायी  रामसुन्दर महतोलाई  घुस रकमसहित नियन्त्रणमा लिएको अख्तियारले जनाएको छ ।

अस्तियारका अनुसार लालपूर्जामा नाम सच्याउने नाममा एकजना सेवाग्राहीसँग रु ११ हजार घुस लिँदै गर्दा दुवै जनालाई पक्राउ गरिएको हो। अहिले उनीहरुमाथि थप अनुसन्धान भइरहेको समेत अख्तियारले जनाएको छ ।