सांसद महेश बस्नेतलाई गाली गरेको अभियोगमा पूर्वप्रहरी पक्राउ

पुष १६ ,काठमाडौं – सामाजिक सञ्जालमा भक्तपुरका सांसद महेश बस्नेतलाई गाली गरेको अभियोगमा पूर्वप्रहरी पक्राउ परेका छन् ।

सामाजिक सञ्जाल फेसबुकमार्फत सांसद बस्नेतलाई गाली, गलौज र अभद्र टिप्पणी गरेको अभियोगमा पुर्व प्रहरी सहायक निरीक्षक (असई) डिल्लीबहादुर चन्द लाई पक्राउ गरिएको हो ।

साइबर ब्युरोको टोलीले जिल्ला प्रहरी कार्यालय, बाँकेसँग समन्वय गरेर नेपालगञ्जबाट चन्दलाई मंगलबार पक्राउ गरेको हो । उनीविरुद्ध विद्युतीय अपराध ऐन अनुसार कारबाहीका लागि कानुन व्यवसायीमार्फत जाहेरी परेपछि पक्राउ गरिएको ब्युरोका एसएसपी नविन्द अर्यालले बताए ।

एसएसपी अर्यालका अनुसार चन्दले बस्नेतलाई सांसद अपहरण प्रकरणमा जोडेर अभद्र टिप्पणी गरेको आरोप छ । अहिले उनिमाथी थप अनुसन्धान भइरहेको समेत  एसएसपी अर्यालले बताए ।