संसद विघटनविरुद्व परेका रिटको आज सुनुवाई हुँदै

१० पुष,काठमाडौ – सरकारले असंवैधानिक रुपले संसद विघटन गरेको भन्दै सर्वोच्च अदालतमा परेका रिट निवेदनको शुक्रबार सुनुवाई हुँदैछ ।

प्रतिनिधिसभा विघटनविरुद्ध १३ वटा निवेदन सर्वोच्चमा परेको छ । प्रधानन्यायाधीश चोलेन्द्रशमशेर राणासहित पाँच न्यायाधीशको सम्वैधानिक इजलासले शुक्रबार सुनुवाइ गर्ने छ।

एउटा निवेदन दर्ता भएर रहेको छ भने अरु १२ वटा सबै निवेदनलाई एकै पटक पेशीमा राखेर सुनुवाइ हुने छ।

संवैधानिक इजलासमा प्रधानन्यायाधीशसहित ९ न्यायाधीश छन्। यीमध्ये प्रधानन्यायाधीश राणासहितका पाँचजना न्यायाधीशको इजलासले प्रतिनिधिसभा विघटनविरुद्धको निवेदनको सुनुवाइ गर्ने छ।