नेकपा लोभीपापीहरुको मञ्‍च हो : गगन थापा 

२९ मंसिर धनगढी – कांग्रेस नेता गगन थापाले नेपाल कम्युनिष्ट पार्टिलाई लोभीपापीहरुको मञ्‍चको संज्ञा दिएका छन् ।

सरकारविरुद्ध देशव्यापी प्रदर्शनका क्रममा कैलालीको धनगढीमा आयोजित खबरदारी सभामा बोल्दै पूर्वमन्त्रीसमेत रहेका थापाले सत्तारुढ दल नेकपालाई लोभीपापीहरुको मञ्‍च भएको बताएका हुन् । नेपाल कम्युनिष्ट पार्टी पार्टी नै होइन, यो एउटा लोभीपापीहरुको मञ्‍च मात्रै हो,’ थापाले भने ।

‘कुनै बेला हात पनि मिलाउन नमान्ने प्रचण्ड र केपी ओलीले एउटा व्यवसायीको घरमा बसेर हात मात्रै होइन मनमुटु पनि मिल्यो भनेर गीत गाए,’ थापाले भने ।

त्यस्तै नेता थापाले सत्तारुढ दल नेकपा पार्टी नै नभएको बताए ।  नेता थापाले पुष्पकमल दाहाल चुनाव हार्ने डर र केपी शर्मा ओलीलाई सिंहदरबारमा बस्ने लोभले एकैठाउँ ल्याएको पनि बताए ।

आज सोमवार प्रमुख प्रतिपक्षी दल कांग्रेसले देशभर सरकारविरुद्ध विरोध प्रदर्शन गरेको छ । विरोध प्रदर्शनका लागि कांग्रेस कार्यकर्ताले देशैभर र्‍याली निकालेका छन् ।