सरकारले चासो दिएन, पुस १० देखि फिल्म हल सञ्चालन गर्छौ : चलचित्र संघ

​​​​​​​२९ मंसिर,काठमाडौं – नेपाल चलचित्र संघले आगामी पुस १० गतेदेखि फिल्म हल सञ्चालन गर्ने निर्णय गरेको छ ।

नेपाल चलचित्र संघले आज सोमवार एक बिज्ञप्ती जारी गर्दै आगामी पुस १० गतेदेखि फिल्म हल सञ्चालन गर्ने निर्णय गरेको जनाएको हो । चलचित्र घर खुलाउनका लागी सरकारले कुनै पनि चासो नदिएको भन्दै बाध्य भएर यस्तो निर्णय गर्नुपरेको संघका अध्यक्ष मधुसुदन प्रधानले बताए ।

त्यस्तै विज्ञप्तिमा विश्व स्वास्थ्य संगठनले तय गरेको स्वास्थ्य सुरक्षा मापदण्ड अपनाइ फिल्म हल सञ्चालन गर्ने उल्लेख गरेको छ ।  त्यस्तै संघले विभिन्न ९ बुँदे माग राख्दै चरणबद्ध आन्दोलन गर्ने समेत निर्णय गरेको छ ।

त्यस्तै कोरोना महामारीका कारण सरकारले फिल्म हल सञ्चलनमा रोक लगाएको थियो भने यसअघि नै विभिन्न क्षेत्र खुला गरिएपनि संक्रमणको जोखिमका कारण फिल्म हल खुलाउने निर्णय गरेको छैन ।