आईतवारदेखी मनकामना मन्दिर र केवलकार खुल्दै

२४ मंसिर,काठमाडौं – प्रसिद्ध धार्मिक स्थल गोरखाको मनकामना मन्दिर आगामी आइतबारदेखि खुल्ने भएको छ ।

मनकामना क्षेत्र विकास समितिको आयोजनामा सहिद लखन गाउँपालिका, वडाध्यक्ष, मनकामना मन्दिर जीर्णोद्वार समिति, पूजारी, मनकामना केवलकार, उद्योग वाणिज्य संघ र राजनीतिक दलका प्रतिनिधि बैठक गरेर मन्दिर र केवलकार खुलाउने निर्णय भएको हो ।

कोभिड १९ महामारीका कारण गत चैत्र ११ गतेदेखि बन्द रहेको मनकामना मन्दिर स्वास्थ्य सुरक्षाको मापदण्ड अपनाएर मंसिर २८ गतेदेखि भक्तजनको पूजाआजाका लागि खुला गर्न लागिएको हो । यद्धपी दैनिक पूजा भने रोकिएको छैन ।