बालुवाटारमा सर्वदलीय बैठक सुरु

२३ मंसिर,काठमाडौं – प्रधानमन्त्री निवास बालुवाटारमा अहिले सर्वदलीय बैठक सुरु भएको छ ।

प्रधानमन्त्री निवास बालुवाटारमा सुरु भएको बैठकमा संघीय संसदमा प्रतिनिधित्व गर्ने सबै दलको प्रतिनिधित्व रहेको छ । पछिल्लो समय देशभर राजवादीको आन्दोलन चर्किनथालेपछि गणतन्त्र पक्षधरहरु एक ठाउँमा हुनुपर्नेमा जोड दिँइदै आएको थियो ।

गत शनिबारमात्रै प्रधानमन्त्रीको गृह जिल्ला झापासहित देशका विभिन्न स्थानमा राजावादीले प्रदर्शन गरेका थिए । सर्वदलीय बैठकमा मुलतः यही विषयमा छलफल हुने बुझिएको छ ।

गत नेकपाको स्थायी समिति बैठकमा समेत नेता जनार्दन शर्माले यसबारे छलफलका लागि ‘विशेष प्रस्ताव’ नै पेश गरेका थिए ।