पछिल्लो २४ घण्टामा देशभरीमा १०१४ जनामा कोरोना संक्रमण पुष्टि

२२ मंसिर,काठमाडौं – पछिल्लो २४ घण्टामा नेपालमा १ हजार १४ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार २ सय २० जनाको परीक्षण गर्दा आज १ हजार १४ जनामा कोरोना भाइरस संक्रमण पुष्टि भएको हो । योसँगै नेपालमा कुल संक्रमितको संख्या २ लाख ४१ हजार ९९५ पुगेको छ । मन्त्रालयका अनुसार पछिल्लो २४ घण्टामा १ हजार ६२८ जना संक्रमणमुक्त समेत भएका छन् ।

त्यस्तै हाल नेपालमा सक्रिय संक्रमितको संख्या १२ हजार ९४८ रहेको समेत मन्त्रालयले जनाएको छ ।