कोरोना संक्रमणवाट वीरगञ्जमा एक महिलाको मृत्यु

२२ मंसिर,वीरगञ्ज – कोरोना संक्रमणवाट वीरगञ्जमा एक महिलाको मृत्यु भएको छ ।

आज सोमवार बिहान बाराको जितपुरसिमरा उपमहानगरपालिका-४ औराह बस्ने ७१ वर्षीया धनकुमारी सुनुवारको मृत्यु भएको हो । गत मंसिर १४ गते दमको समस्या आएपछि उनलाई वीरगञ्जस्थित बयोधा अस्पतालमा लगिएको थियो । बयोधामै स्वाब संकलन गरी मंसिर १६ गते पीसीआर टेष्ट गर्दा रिपोर्ट पोजेटिभ आएको थियो । त्यसपछि उनलाई नेसनल मेडिकलले सञ्चालन गरेको बाबा होटलको आइसोलेसनमा राखिएको थियो ।

उनको आज सोमबार बिहान पौने ६ बजे उपचारकै क्रममा मृत्यु भएको आइसोलेसनका चिकित्सकले जानकारी दिए ।