पछिल्लो २४ घण्टामा १,४२९ संक्रमित् थपिए : ९ जनाको मृत्यु
शुभयुग संवाददाताप्रकाशित मिति: २०७७ मंसिर १७, बुधबार (३ साल अघि)
४९७ पाठक संख्या
१७ मंसिर,काठमाडौं – पछिल्लो २४ घण्टामा देशभर १ हजार ४९० जनामा कोरोनाभाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ३०० जनाको कोरोना परीक्षण गर्दा ५६५ जना महिला र ९२५ जना पुरुषसहित थप १ हजार ४९० जनामा कोरोनाभाइरस संक्रमण पुष्टि भएको हो । यो सँगै अव देशभर कोरोनाभाइरस संक्रमितको कुल संख्या २ लाख ३६ हजार २४६ पुगेको समेत मन्त्रालयले जनाएको छ ।
त्यस्तै हालसम्म कोरोना निको भई डिस्चार्ज हुनेको संख्या पनि २ लाख १८ हजार १६१ पुगेको मन्त्रालयले जनाएको छ । त्यस्तै आज कोरोना संक्रमणवाट ९ जनाको मृत्यु भएको छ ।
योसंगै अव देशैभर कुल मृतकको संख्या १ हजार ५३८ पुगेको समेत स्वास्थ्य तथा जनसंख्या मन्त्रालयले जनाएको छ ।
