सम्भव भएसम्म भौतिक उपस्थितिमै कक्षा सञ्चालन गर्न त्रिविको आग्रह
शुभयुग संवाददाताप्रकाशित मिति: २०७७ मंसिर १६, मंगलबार (३ साल अघि)
८११ पाठक संख्या
१६ मंसिर,काठमाडौं – त्रिभुवन विश्वविद्यालय (त्रिवि) ले सम्बन्धित क्याम्पस र विभागलाई सम्भव भएसम्म भौतिक उपस्थितिमा नै कक्षा सञ्चालन गर्न आग्रह गरेको छ ।
हिजो सोमवार विश्वविद्यालय सूचना तथा जनसम्पर्क महाशाखाले एक सूचना जारी गर्दै विभागलाई सम्भव भएसम्म भौतिक उपस्थितिमा नै कक्षा सञ्चालन गर्न आग्रह गरेको हो ।
त्यस्तै महाशाखाले सुचनामा स्थानीय तहले तोकेको समयसीमा र मापदण्डभित्र रही समन्वय गर्दै बन्द रहेका कक्षा सञ्चालन गर्न समेत भनिएको छ ।
त्रिविले लकडाउनका कारण स्थगित परीक्षा सञ्चालन गर्न सम्बन्धित क्याम्पसलाई अनुमति दिएको पनि सुचनामा भनिएको छ ।
