गुल्मीमा जिप दुर्घटना : ५ जनाको घटना स्थलमै मृत्यु

१२ मंसिर,गुल्मी – गुल्मीमा जिप दुर्घटना हुँदा ५ जनाको घटना स्थलमै मृत्यु भएको छ ।

गुल्मीको हुलवाट तम्घास आउँदै गरेको लु १ ज ११६६ नम्बरको जिप इस्मा गाउँपालिका ४ दोहलीमा दुर्घटना हुँदा ५ जनाको घटना स्थलमै मृत्यु भएको प्रहरीले जनाएको छ ।

दुर्घटनामा थप १ जना बेपत्ता छन् ।

जिप चालक र सहचालक सकुशल रहेको र उनिहरु दुवैजना अहिले प्रहरीको नियन्त्रणमा रहेको प्रहरी निरिक्षक महेश्वर उपाध्यायले बताए ।

अहिले घटनास्थलमा प्रहरी पुगेको र उद्धार कार्य भैरहेको प्रहरी निरिक्षक महेश्वर उपाध्यायले जानकारी दिए ।