२०८१ भाद्र २३, आईतबार
११ मंसिरि, काठमाडौं – प्युठानबाट बिरामी बोकेर काठमाडौँ आँउदै गरेको गरेको पिकअप भ्यान मुग्लीन नजिकै दुर्घटना हुंदा ३ जना बेपत्ता भएका छन् ।
आज बिहिवार बिहान ५ः३० बजे प्युठानबाट बिरामी बोकेर काठमाडौँ आँउदै गरेको गरेको लु १ च ९७३१ नम्बरको पिकअप भ्यान नारायणगढ मुग्लीन सडकखण्ड अन्र्तगत् मुग्लीन नजिकै नाग्दी दोलावाट त्रिसुली नदिमा खसेर दुर्घटना भएको प्रहरीले जनाएको छ ।
दुर्घटनामा परी तीन जना बेपत्ता भएका छन् भने एक जना घाईते भएका छन् ।
इलाका प्रहरी कार्यालय मुग्लिनका अनुसार इच्छाकामना गाउँपालिका-४ नाग्दी खोलाबाट पिकअप भ्यान सडकबाट करिब ६० मिटर तल त्रिशूलीमा खसेको छ ।
त्रिशूलीमा खस्दा पिकअपमा सवार चारमध्ये एक जना घाइते भएका छन् भने अन्य तीन जना नदीमा बेपत्ता भएको प्रहरीले जनाएको छ ।
घाइते हुनेमा प्युठान घर भएका ३८ वर्षीय मुकुन्द बहादुर रोक्का रहेको प्रहरीले जनाएको छ ।
यस्तै बेपत्ता हुनेमा प्युठानको झिम्रुक गाउँपालिका-१ का २३ वर्षीय सूर्य केसी, ३३ वर्षीया जमुना रोक्का र बिरामी १५ वर्षीया जिनिसा रोक्का रहेका छन् ।
घाइतेको उपचारका लागि भरतपुर अस्पताल पठाइएको र अन्यको खोजीकार्य भइरहेको प्रहरीले जनाएको छ ।
त्रिशूलीमा खसेको पिकअप पानीले डुबेर नदेखिने अवस्थामा रहेको छ ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar