३ मंसिर,घोराही – जिल्ला प्रहरी कार्यालय दाङले दाङको घोराहीबाट २ लाख ६८ हजार नगदसहित ७ जना जुवाडेलाई पक्राउ गरेको छ ।
आज बिहान घोराही मुनाटोलका पूर्ण भण्डारीको घरमा छापा मारेर नियन्त्रणमा लिइएको दाङका प्रमुख एसपी गणेश चन्दले जानकारी दिए ।
पक्राउ पर्नेहरुमा घोराही-१६ बस्ने तेज प्रसाद गिरी, डम्बर डिसी, प्रेमराज भण्डारी र २८ वर्षीय विवेक भण्डारी रहेका छन् । त्यस्तै, घोराही १७ का ३४ बर्षीय किशोर बुढा मगर र २७ बर्षीय अजय भुसाल पनि जुवाको खालबाट पक्राउ परेका छन् ।
गएराती भण्डारीको घरमा जुवा खेलिरहेको सुराकको आधारमा प्रहरीले छापा मारेको थियो ।
जुवा खेल्नेहरुको साथबाट ६ बुक तास समेत बरामद गरिएको छ ।
त्यस्तै पक्राउ गरिएकालाई प्रहरीले जुवा ऐनमा मुद्दा समेत चलाएको छ ।
