नेकपाका अध्यक्ष द्धयबीचको बैठक सम्पन्न : के भयो सहमति ?

२० कार्तिक, काठमाडौं – नेपाल कम्युनिष्ट पार्टी (नेकपा) का अध्यक्ष द्वयबीचको भेटवार्ता सम्पन्न भएको छ ।

आज विहिबार अध्यक्ष द्वयबीच पार्टीको आन्तरिक विषयमा छलफल भएको नेकपा श्रोतले बताएको छ ।

प्रधानमन्त्री तथा अध्यक्ष केपी शर्मा ओलीलाई भेट्न अर्का अध्यक्ष पुष्पकमल दाहाल ‘प्रचण्ड’ आज दिउँसो बालुवाटार पुगेका थिए ।

प्रधानमन्त्रीका सञ्चार विज्ञ रामशरण बजगाईकाअनुसार दुई अध्यक्षबीचको छलफल भर्खरै सकिएको हो ।

अध्यक्ष द्धयवीच करिब एक घण्टा लामो भएको आपसी छलफलमा पार्टीको आन्तरिक विषयमा छलफल भएको हुनसक्ने उनले बताए ।

त्यस्तै पार्टीको आन्तरिक तिक्तता बाहिर आइरहेका बेला दुई अध्यक्षले त्यसबारे छलफल गरी समाधानको प्रयासमा जुटेको पनी बुझिएको छ ।

पार्टीका दोस्रो तहका नेताहरुले देखिएको विवाद समाधान गर्न अध्यक्षद्वय नै सक्रिय हुनुपर्ने दवाव दिएपछि दुई अध्यक्षबीचको नियमित संवाद पुनः शुरु भएको हो ।

यसअघि लामो समयसम्म दुई अध्यक्षबीच छलफल र संवाद हुन नसक्दा पार्टीको आन्तरिक विवाद सतहमा आएको थियो ।

बैठकमा भएको छलफल बारे भने विस्तृतमा जानकारी गराइएको छैन ।