देशभर आज सवैभन्दा बढी संक्रमित : २४ घण्टामा २ हजार २० जना थपिए
शुभयुग संवाददाताप्रकाशित मिति: २०७७ आश्विन २, शुक्रबार (३ साल अघि)
४५२ पाठक संख्या
२ असोज काठमाण्डौ – शुक्रबार देशभर सवैभन्दा बढी कोरोना संक्रमित बिरामी थपिएका छन् ।
स्वास्थ्य तथा जनसंख्या मन्त्रालयको नियमित ब्रिफिङका क्रममा प्रवक्ता डा. जागेश्वर गौतमले बितेको २४ घण्टामा २ हजार २० जनामा कोरोना पुष्टि भएको जानकारी दिए ।
योसँगै नेपालमा कुल कोरोना संक्रमित संख्या ६१ हजार ५९३ जना पुगेको छ । पछिल्लो पटक शुक्रबार २ हजार २० जना संक्रमित थपिएका हुन् । यसैगरी ४३ हजार ८२० जना संक्रमित उपचारपछि निको भएर घर फर्किएका छन् ।
पछिल्लो २४ घण्टामा ८७१ जना संक्रमित उपचारपछि निको भएर घर फर्किएको डा. गौतमले बताए । यही संक्रमित मध्येबाट ३९० जनाको मृत्यु भएको छ । पछिल्लो २४ घण्टामा ७ जना संक्रमितको मृत्यु भएको हो ।