माधव प्रसाद घिमिरेको निधनप्रति ज्ञानेन्द्र शाहद्वारा दुःख व्यक्त

३ भदाै, काठमाडौं –  राष्ट्रकवि माधवप्रसाद घिमिरेको निधनप्रति  पूर्वराजा ज्ञानेन्द्र शाहले दुःख व्यक्त गर्नुभयको छ ।

पूर्वराजा शाहले बुधबार विज्ञप्ति जारी गरेर निरन्तर साधनारत उत्कृष्ट साहित्यिक व्यक्तित्व राष्ट्रकवि घिमिरेको निधनप्रति दुःख व्यक्त गर्नुभयको हो ।

‘देशभक्ति र प्रकृति प्रेममा आधारित उहाँका अनेकौं काब्य कृति सदापठनीय र मननीय छन् भन्ने कुरा दर्शाइबक्सदै मौसूफबाट उहाँको निधनले नेपाली वाङमय र साहित्यको क्षेत्रमा अपूरणीय क्षति भएको कुरा व्यक्त गरिबक्सेको छ’, उहाँले बिज्ञप्तीमा भन्नुभयको छ । ‘मौसफूबाट दिवङ्गत आत्माको चीर शान्तिको कामना गरिबक्सदै शोक सन्तप्त परिवारजनप्रति हार्दिक समवेदना प्रकट गरिबक्सेको छ । उहाँले भन्नुभयको छ ।