नागरिक उन्मुक्ति पार्टीका संरक्षक रेशम चौधरी पक्राउ

काठमाडौं – नागरिक उन्मुक्ति पार्टी (नाउपा) का संरक्षक रेशम चौधरी पक्राउ परेका छन् ।

जनमत पार्टी र नाउपाको पार्टी एकता घोषणा कार्यक्रम सुरु हुनै लाग्दा उनी कार्यक्रम स्थल काठमाडौँस्थित प्रज्ञा प्रतिष्ठानको हल बाट पक्राउ परेका हुन् । उनलाई सादा पोसाकका प्रहरीहरूले पक्राउ गरेर डिल्लीबजार कारागार लगेको छ । उनलाई सादा पोसाकका प्रहरीहरूले पक्राउ गरेर डिल्लीबजार कारागार लगेको छ ।

गणतन्त्र दिवसको दिन राष्ट्रपति रामचन्द्र पौडेलले सरकारको सिफारिसमा चौधरीलाई बाँकी कैद मिनाहा गरिदिएका थिए । राष्ट्रपतिको सोही निर्णयविरुद्ध टीकादुर घटनामा मृत्यु भएका सशस्त्र प्रहरी निरीक्षक केशव बोहोराकी श्रीमती शारदा कडायतले सर्वोच्चमा रिट दर्ता गराएकी थिइन् । पहिलेको मुद्दामा कैद भुक्तान हुन बाँकी रहेकोले सर्वोच्च अदालतको आदेश अनुसार चौधरीलाई पक्राउ गरिएको जिल्ला प्रहरी परिसर काठमाडौँका एसपी अपिल बोहराले जानकारी दिए ।

एकताका लागि प्रज्ञा प्रतिष्ठानको हलमा कार्यक्रम आयोजना गरिएको छ ।