मेरो कुरा तोडमोड गरी समाचार आयो : प्रेम आले

काठमाडौं – नेकपा (एकीकृत समाजवादी) का सांसद प्रेम बहादुर आलेले प्रतिनिधि सभा बैठकमा राखेको विषयमा तोडमोड गरी संचारमाध्यमहरुले समाचार प्रकाशन गरेको भन्दै आपत्ती जनाएका छन् ।

मंगलबारको प्रतिनिधि सभा बैठकमा बोल्दै सांसद आलेले आफूले सोमबारको प्रतिनिधि सभा बैठकमा राखेका विषयवस्तु तोडमोड गरी सञ्चार माध्यमले समाचार बनाएको भन्दै आपत्ति जनाएका हुन्। ‘हिजो मैले संसदमा बोलेको शब्दलाई राम्रोसँग नसुनिकन आज प्रकाशित समाचारमा मैले बोलेको शब्दलाई अश्लील शब्द भनी समाचार सम्प्रेषण भएकोमा मेरो गम्भीर ध्यानाकर्षण भएको छ,’ उनले भने, ‘यो समाचार जुनसुकै मिडियाबाट आएको भए पनि राम्रोसँग सुनेर मात्रै समाचार सम्प्रेषण गर्न म आग्रह गर्न चाहन्छु।’

उनले सोमबारको प्रतिनिधि सभामा आफूले कुरा राख्दा ुपार्टीको दबाब झेल्न नसक्दा त्यो मान्छेलाई डिजी बनाइयो भनेर मैले भनेको थिएँ, त्यसलाई तोडमोड गरियो,’ उनले भने, ‘२५०० वाटको स्पिकर राखेर राम्रोसँग सुन्न आग्रह गर्छु।’ उनले भने ।