आन्दोलनरत शिक्षकहरूलाई वार्तामा आउन रघुजी पन्तको आह्वान

काठमाडौं – शिक्षा विज्ञान तथा प्रविधी मन्त्री रघुजी पन्तले आन्दोलनरत शिक्षकहरूलाई पुनः वार्तामा बोलाएका छन् ।

मन्त्री नियुक्त भएको दोश्रो दन शिक्षामन्त्री पन्तले एक बिज्ञप्ती जारी गर्दै शिक्षकहरूलाई वार्तामा बोलाएका हुन् । ‘विधेयक संसदमा पेश हुने, छलफल हुने र स्वीकृत हुने निश्चित विधायकी एवम् कानूनी बन्दोवस्त रहेका छन् र सबैलाई यसको जानकारी पनि छँदैछ,’ उनले भने, ‘तसर्थ, शिक्षकहरूसँग विगतमा झैं निरन्तर संवाद तथा छलफल गरी सामूहिक रूपमा समाधानका उपाय खोज्न यथाशीघ्र वार्ताका लागि नेपाल शिक्षक महासंघ राष्ट्रिय समितिलाई नेपाल सरकारको तर्फबाट हार्दिक आह्वान गर्दछ,’ शिक्षामन्त्री रघुजी पन्तले जारी गरेको विज्ञप्तिमा भनिएको छ ।

गत चैत २० गतेदेखि शिक्षकहरू बिभिन्न माग राखी काठमाडौंको सडकमा प्रदर्शन गरिरहेका छन् ।